schee für di

früher bist jede woch am inn gsessn
jetz host di zwischen uni und wohnheim eigwohnt
früher is d’unsterblichkeit dei ziel gwesn
heid hod se noch vierzehn semestern ois glohnt

sch sch sch schee für diiiiii

früher hod dir de ganze welt ghört
jetz spuist mensamarken gegen reclamheftl aus
früher host du überall as sogn ghabt
heid bringst koa einfachs ja oda na mehr raus

na na na naaaaaaus

früher host du auf deine oidn pfiffa
du hast alle zoagt dass a ohne sie geht
jetz lebst du von am dauerauftrag
unter dem eana unterschrift steht

sch sch sch schee für diiiiii

was host du früher die sau rauslassn
für di war high sei a lebnsprinzip
heid is mit dir furtgeh des fadeste
des ausser dahoambleibn no gibt

fa fa fa faaaaaad

du warst früher moi mei bester freind
aber des is jetz vorbei
kumm, kaf dir no a paar biacha
und grob di drin ei

sch sch sch schee für diiiiii

solang du dir so in d’taschn liagst
bleibst du für mi gstorbn
schee für di, dass du dein doktor kriagst
pech für mi, i hob an freind valorn

pech für mi