panik

im fersehn zoagns an almabtrieb
a attentat, de folgen vom pillenknick
in da demografie, und da demokratie,
im mietspiegel und in legoland

as lebn rattert dahi
dann kummst an a weichn
überflüssig, aber normal
eigentlich a guats zeichn
a signal, optimal
um de selba zu prüfen
san deine glaubnssätz no buchstabenecht
oda nur a haufen hieroglyphen

es is soweit
as innenerlebn geht auf a konzentrische reise
dei frausei bricht se a schneise
mit bauchweh, migräne
es war doch so lang immer des gleiche
desmoi kummst ausm gleichgewicht
fangst o di neu zu eichen

von außen noch innen is nur a schluck
von innen noch außen führt koa weg mehr zruck
du misst de temperatur
du zählst de tag
du frogst di und eam und dei beste freindin
ob er di wirklich mag
der moment der entscheidung naht
es wachst der druck

ois is so kompliziert
du vasuachst di zu schlichtn
panik war jetz guat
panik würds scho richtn
in panik machst du ois wos sonst koana gern tuat
aba di bringt nix um den verstand

du bringst ois unter kontrolle
as staberl werd brav blau
du kriagst di mit neamand in d’wolle
alles bleibt ruhig, alles bleibt bei de oidn
koa panik

im fersehn zoagns an schefflertanz
an kriag, de folgen von der gstiegna lebnserwartung
für de fahrschuln und de marzipanindustrie
aber koa panik