mei frau is philosophin

mei frau is philosophin
mei besta freind liest biacha
mei stammtisch lauta lehra
wos redn mia gscheit daher

doch mei herz des ghört de deppn
de penner und de freaks
de türkn und de kinda
de gschlogna fraun
und meina frau, da philosophin

meine nachbarn san in urlaub
meine kollegn treibn alle sport
da ganze gang auf gschäftsreise
wos san mia doch mobil

doch mei herz ghört de idioten
de oidn und hartzvierler
de muslims und de lesbn
de vom kriag betrogna witwen
und meina frau, da philosophin

irgendwann war immer frühling
für irgendwen werds wieda somma
irgendwo bliahn sicha bleaml

doch mei herz des ghört am winta
und meina frau, da philosophin