dienstag abend

miassat i sterbn
waar irland da ort
a greans fischerboot
neamd der auf mi wart

derfat i liebn
waar paris da platz
a brücken über d’seine
drübn mei schatz

aber es is dienstag abend und i lieb ned
i leb ned, i stirb ned
i kumm von nirgends her
und hob nix vor mia ois an mittwoch morgn
dienstag abend wia heit
san total verlorne zeit

kannt i lebn
waar d’schweiz des land
a wiesn bei lugano
an räuschling in da hand

kam i woher
waar bayern de gegnd
a hüttn in de berg
unteerte weg

aber es is dienstag abend und i lieb ned
i leb ned, i stirb ned
i kumm von nirgends her
und hob nix vor mia ois an mittwoch morgn
dienstag abend wia heit
san total verlorne zeit