bier, schmalzbrot und liebe

jetz sitz i do und trink mei bier
stier an eingang und an bodn
bstell nur mitm finga ohne was zum sogn
i red vonhausaus nur wenig
und manchmoi ned gnua
carola is gstoam

as nächste bier kummt
da susi brauchst nix sogn
d’susi bringt dir ois
bier, schmalzbrot und liebe
wennst dafür zoist
carola is gstoam

jedn tag sitz i do
d’susi woaß wo i am freitag war
am samstag hob i dann ogruafa
aba d’carola war ned dro
d’carola hams gsogt wohnt nimma do
carola is gstoam

i woit nur moi essn geh mit ihr
nur zum kennalerna so
jetz sauf i mi alloa do zua
sie war grod so oid wia i
wieda moi a chance dahi
carola is gstoam

a ältrer herr ruaft susi zoin
er zoit für bier, schmalzbrot und liebe
i schwank raus und übergib mi
biselt an a telefonzelln und geh hoam
carola is gstoam
carola is tot