du richtst di zsamm wia d’madonna
und natürlich riachst noch chanel
dei lebnsprinzip is da zeitgeist
und du skatest eahm hinterher, ja du scho
im fernsehn vasamst du koa werbung
aba d’tagesschau geht di nix o
du warst so gern d’claudia schiffer
und an mickey rourke hättst gern ois mo, ja du scho
du host angst vorm hoibjahreszeignis
wegn deitsch foist vielleicht durch
mein gernhardt host du no immer
wos soi witzig sei an dem buach, frogst du im ernst
in urlaub fahrst mit deine eltern
weil dei pa sunst fürn führerschein nix zoit
und allerheiligen frierst am friedhof
weil sunst kürzt ers taschengeld, so a pech
in da apothekn kriagst an hochrotn belle
wennst noch pariser valangst
in da videothek kriagst den horror ab achtzehn
und in da nacht host dann oiwei angst, und böse dram
du kannst di guat vorstelln ois starlet
ois stewardess oda modell
dafür hungerst und rauchst und kasteist di
hoffst auf silikon und skalpell, wenns soweit is
in de discos do kennan di alle
wegn deim marylinblond
sie nehman di mit aufn rücksitz
wenns a porsche is hod ses glohnt, und du stöhnst eahm a oan vor
es hoaßt sowas bleds wia di
mecht ja gschenkt koana ois freindin ham
glaub ned dass i da a ausnahm bin
i moan nur du hosts no ned gspannt, drum hör zua
i sieh di ois bankangestellte
vui schminke a golf gti
jeder funken antrieb valodert
du luderst hoit so vor di hi, wia so vui andre
i kannt jetz ofanga wia jung du bist
und di opassn war sicher ned schwer
aba ehrlich gsogt is ma des wurscht
i renn dir doch ned hinterher, na i ned
leb du ruhig dei lebn wias da spaß macht
mehr war für di hoit ned drin
mach deine scheen augn liaba wem anders
weil i ois frau einfach nix an dir find, na i ned
Martin Wimmer 