de leit san so staad
geradezu stumm
sie ham nix zum sogn
sie ärgern se krumm
sie schluckan ois obe
bis ses hoibats sprengt
sie gengan ausnand
da lautste werd ghängt
schweigen is gold
frogt ja koana für wen
und de was zum sogn ham
redn blech
hakt oana z’vui noch
hängt ma eam an ohrwurm o
der se durchs hirn durchfrißt
nix bedeit und ois hoaßn ko
wenn’s innen ganz hohl is
und tiaf drin ganz leer
falln koane frogn mehr ei
und as staadsei ned schwer
schweigen is gold
für de was zum sogn ham
und wer ned nachfrogt
der blecht
Martin Wimmer 