drausst is no diesig
dampfig und triab
mia liegn no im bett
und ham uns scho nimma liab
i di zwar a nimmer so
aba i hob wenigstens no lust
und du sitzt do de arm vaschränkt
vor deina brust
bevorst no was sogst
woaß i scho wasd sogn werst
a verbale watschn
mit derst ois vasperrst
de stimmung am gfrierpunkt
a inners des kocht
a zug der a moi nochgibt
gegn a gsetz des drauf pocht
vom weißbier und streitn
an brummschädl beinand
zwoa sturschädl beim eierpecka
oa redn gegad wand
so gehts doch ned weida
wia stellst dan des vor
a jede nettgmoante geste
nur a neis eigentor
i hob des ganz gern wenn
wer in meim bett umnandruascht
aba i mach mi auf dauer
dafür ned zum hanswurscht
oiso entweder mogst no
oda mia loß mas hoit bleibn
aba bitte entscheid di
es muaß ja ned sei
Martin Wimmer 