leben mit i

i mog ned ohne lebn
i hob glernt weiter zu geh
a wenns herz scho an sprung hod
as herz geht solang zum brunnen
bis bricht

ganz athen is auf scherbn baut
unter jeder kirch in rom drei oide
da ganze mensch is nua vasuach und irrtum
und vielleicht a du und i

aber i mog ned recht lebn ohne
jetz wo i scho moi glernt hob weiter zu geh
a wenns herz scho an sprung hod
as herz geht solang zum brunnen
bis bricht

no in landsberg wars nur liebe
von gilching o wars fast scho sicha
aba erst am stachus war koa hoitn mehr

mitm feier spuin, se de finga vabrenna
ausm fenster lehna und falln
hartnäckig weida gega a wand orenna
i hobs bstellt, i werd zoin

weil i mog ohne ned lebn
i bin bereit weiter zu geh
a wenns herz scho an sprung hod
as herz geht solang zum brunnen
bis a warme brust find