kumm in da nacht

kumm in da nacht
wenn alle gschäfte zua san
kumm in da nacht
wenn dei ketten nimmer glänzt
gib ma dei hand
steig aus deim ring
und bleib bis’d di wieda
in dein tag verrennst

am tag bist du de tochter
am tag bist du as fräulein
»entschuidigung fräulein«
am tag bist du neamand, i woaß
kumm wenn di koana mehr erkennt, außer mia
in da nacht machan menschen mehr aus sich
machan kinder, oda tun so
i werd mi bemühn
mi ned in an namen für di zu verbeißen

am tag bist du a schwamm
am tag bist du de seitn vermischtes
a weltspiegel
am tag bist du neamand
kumm wenn di nix mehr blendt
in da nacht kehrn täter an tatort zruck
frauen zu männer
i werd mi bemühn
dir ned auf de zehan zum steign

kumm in da nacht
wenn alle gschäfte gmacht san
kumm in da nacht
wenn dei ketten di nimma hoit
gib ma dei hand
steig aus deim ring
bis di da tag wieda
hinter dei theken stoid