greane augn, rote haar
in da arbeit da star
imma de letzte an der bar
im nachhinein is sonnenklar
zwar wars wunderbar
aba aa vorhersehbar
zum scheitan vaurteilt
trotzdem i, natürlich ro
a rote frau, a rota mo
jeda duad, wos er ko
im nachhinein is klar wia klo
zwar wars grandios
aba aa aussichtslos
zum scheitan vaurteilt
im nachhinein woass jeda bessa
nur voher rennst ins offene messa
arbat, kunst, musik
dazu no an schuss politik
im gegenwind da kritik
im nachhinein is fast naiv
zwar wars kreativ
aba aa explosiv
zum scheitan vaurteilt
im nachhinein woass jeda bessa
nur voher rennst ins offene messa
an achta raus, an zwölfa nei
de strass do kannt de richtige sei
zusatzzahl, de drei
im nachhinein is klar wia brei
zwar wars nua a spielerei
aba aa optimistisch
zum scheitan vaurteilt
im nachhinein woass jeda bessa
nur voher rennst ins offene messa
Martin Wimmer 