i mach ma sorgn um di

sirenen, wohl a sanka
wieder ned für mi
sie werdn lauta und vaschwindn
und i mach ma sorgn um di

um mi is letztlich wurscht
aba du, des gang gar ned
as schicksal is a oaschloch
und i mach ma sorgn um di

bei mir is zwar wos brocha
aba du, wia geht’s wohl dir
ned rührn dann tuats ned weh
aba i mach ma sorgn um di

wos passiert is is passiert
du host alles recht der welt
zu sei wia du grad bist
aba i mach ma sorgn um di

sirenen, wohl a sanka
fahrts ruhig an mir vorbei
nüba in ihr richtung
weil i mach ma sorgn um sie