honigmond

grillen lesen schwimma dösen
eis kartln schmusen gartln
a weißbier a mass
a radler a russ
sommer – zeit se zu belohna
mia schlabbern honigmelona

guat gegan hunger
wunderbar gegan durst
perfekt gega langaweil
unschlagbar gegan frust

honigmond
a lachats gsicht
a speitl glück
in deine händ
in meine händ

beiss zua wenns lebn moi saftig is
bevor da alltag wieda gschaftig werd
aba da denk ma jetz ned drüber noch
kumm, mia spuckan kern um d‘wettn

honigmund
lach ma ins gsicht
gib ma a speitl glück
aus deine händ
in meine händ

gickerl weißwürst steckerlfisch
brezn radi obazdn
a weißbier a mass
a radler a russ
sommer – zeit se zu belohna
mia schlabbern honigmelona