druntn am bodn wo de kiesel se obreibn
drunt wo da karpfen se um a bummerl legt
do treibt a hoffnung so grün wia da inn
do fault a koffer den koana mehr hebt
liabe kollegn wegn eure termine
wundert’s euch ned wenn a absage kummt
geht’s lieba ausse ins blaue, ins grüne
klingelts oan runter und erneuerts den bund
mei freind is a schneemo
der im feuer ned wegschmilzt
in ean valiebt war a iglu
des gern mitm feuer spuit
an himmelfahrt aufanand abgfahrn
am tag der arbeit marschiert ins glück
scho zur einheit alloa, nix wars mit aloha
auf alle viere aufd bruckn, am stock wieda zruck
drübn am ufer wo de kiesel se abreibn
drübn im flachn wo a hecht an frosch frisst
do hängt a hoffnung so grün wia da inn
do fault a koffer den koana vamisst
Martin Wimmer 