i sitz auf aner parkbank
wia bstellt und ned obghoit
i bin ma ned recht sicha
is wos passiert oda wars gwoit
mei pumpn fühlt se gsund o
vielleicht a bissl laut
i hob nur manchmal…is doch
koa grund dass ma glei schaut
i tua doch neamd mehr wos
hob mi gnua fia meine fehla gschamt
für den fall der fälle
dahoam is sauba aufgramt
wenn i wos glernt hob
in de schwern jahr
wiavui du a ghortet host
es hoid ned lang vor
es is jetzt boid vorbei, so wias ziagt in meine knia
drum wollt i no moi sogn mit dir des war mei scheenste zeit, mit dir wars einfach schee
es is jetzt boid vorbei, ma hod des doch im gspür
i wollt einfach nur moi danke sogn, danke bevor i geh
es is jetzt boid vorbei
jäga wia mi
treibts oiwei in woid
as schönste kitz werd gschossn
da stärkste baum werd gfoit
fuchsrode haar
schimmelweißa teint
seegrün de augn
und himmelblau aa
des oamoi waar i
fast an oam ort bliebn
hättst du di ned
anders entschiedn
eulen nach athen
weißbier nach haag
dass du mi a zeitlang mögn host
is wos i an dir so mog
es is jetzt boid vorbei, so wias ziagt in meine knia
drum wollt i no moi sogn mit dir des war mei scheenste zeit, mit dir wars einfach schee
es is jetzt boid vorbei, ma hod des doch im gspür
i wollt einfach nur moi danke sogn, danke bevor i geh
es is jetzt boid vorbei
i hob mi dann a wenig
in meina karriere valorn
ois hams ma vasprocha
oim hob i obgschworn
i hob einfach aufghört
des wars, business class
do reichans di noch untn durch
kumm kaf da no a mass
rauf oder raus
des war de regel
a zwoate chance
boid jenseits meim pegel
mei große liebe
wollt mi ois bestn freind
handerl hoitn
double bind
es is jetzt boid vorbei, so wias ziagt in meine knia
drum wollt i no moi sogn mit dir des war mei scheenste zeit, mit dir wars einfach schee
es is jetzt boid vorbei, ma hod des doch im gspür
i wollt einfach nur moi danke sogn, danke bevor i geh
es is jetzt boid vorbei
wia i so
am arsch war
host du gsogt
i zitier
scheiß auf
gestern und dort
wos zählt is
jetzt und hier
dei sarkasmus
macht di fei
aa ned grad
zur heiligen
an am casting fia engel
brauchatst du di
jetzt aa ned
beteiligen
es is jetzt boid vorbei, so wias ziagt in meine knia
drum wollt i no moi sogn mit dir des war mei scheenste zeit, mit dir wars einfach schee
es is jetzt boid vorbei, ma hod des doch im gspür
i wollt einfach nur moi danke sogn, danke bevor i geh
es is jetzt boid vorbei
du warst deina muata
gschnittn ausm gsicht
i und mei vata
des is a ganz andre gschicht
familie war mir ned
in d’wiege glegt
wos no übrig war
hod da schnaps zalegt
du host mi zum lacha brocht
wegn dir hob i gwoant
spaßvögeln host du gsogt
todernst host dus gmoant
an der ersten kurvn hauts di naus
stellst am ski de bindung z’locka ei
so war mei buckelpistnlebn
es hod ned solln sei
es is jetzt boid vorbei, so wias ziagt in meine knia
drum wollt i no moi sogn mit dir des war mei scheenste zeit, mit dir wars einfach schee
es is jetzt boid vorbei, ma hod des doch im gspür
i wollt einfach nur moi danke sogn, danke bevor i geh
es is jetzt boid vorbei
Rodney Crowell und Rosanne Cash. Da ist die halbe Musikwelt in die Autobiografiefalle getappt. Mit meinem Leben haben meine Lieder gar nichts zu tun, höchstens dass sich auch mal ein klein bisschen Autobiografiction einschleicht.
Martin Wimmer 