er sieht den woid vor lauta bam ned
sie sieht de welt vor stille dram ned
er is erlebniszähler
sie is kopfweltjäger
er is luststammler, gfühlsgammler, momentesammler
sie unproblematisch, hochempathisch, sehr sympathisch
er zoagt immer was er ko, er gibt o
sie stellt se ned gern zur schau
er is relativ monogam für an mo
sie is absolut ned stereotyp ois a frau
er is a kumpeltyp
sie hod migräneschüb
er baut scheiße, er baut bruckn
sie fürcht tunnel, umschifft luckn
er liebt sie
sie liebt eam
er woaß dass
sie zsammghörn
er lechzt noch freiheit
sie lasst eam ziagn
er lasst ihr zeit
sie se ned vabiegn
er kummt noch haus
sie is dahoam
er küsst ihr stirn
sie fühlt se ned alloa
sie passn zsamm
wia glunga und vahunzt
wia jetzt und dann
wia bissn und brunzt
de liebe foit vom himmel
wos hifoit bleibts liegn
de zwoa san günstig gstandn
seitdem sans zsammbliebn
Martin Wimmer 