er schlaft, sie ned
ob er dramt? ihr is wurscht
sie ham koane kinda
sie schlafan ananand vorbei
gmiatlich is ois eigricht
sie sieht im dunkeln de ordner
a grüns lamperl am computer blinkt
im rhythmus ihrer hand
sie dramt von ikafrust und dädalust
sie fliagn in d’sonn
ihr brennts im bauch
und er zafliaßt zu hoaßem wachs
ruhig und tiaf schnarcht er weida
sie schiabt ihr hand unters kinn
fallt in schlaf und ihr
sturz geht tiaf an eam vorbei
Martin Wimmer 