a wunder:
dass no stern gibt
de neamand ghörn
ned ois logo ogordnet san
erstaunlich:
dass ma atmen derf
ohne was zu zahln
wenn ma aufd strass geht
de sonn geht auf, de sonn geht unter
da mond nimmt ab, da mond nimmt zua
de flut bringts, de ebbe nimmts
du bist da
da mensch denkt, wer zum deife lenkt
a kind wachst, ab dreissig nimmst zua
da chef gibts, da staat nimmts
du bist da
dass des no gibt:
dass ma wähln derf
ned imma alternativen
aber doch aus freiem willn
für oan is guat, für oan is schlecht
der oane ko, der ander mecht
oana kriagts, oana nimmts
du bist da
Martin Wimmer 