sie schaugt koa bisserl nach rechts
und überhaupt ned nach links
koa wunda, dassn übersieght, den dings
a 5er bremst se zach bei über zwoahundert
de katz is varatzt, de katz de flundert
und jetz liegts zafetzt und bluatig auf da strass
oda obegschleidert im strassengrobn
oda sie klebt an da stossstanga dro
und ma muass wieda mühsam obaschobn
drei hasn, oa fuchs und a regnwurmkarawane
siebzehn frösch, a dackel und a pudelnasser spitz
und zwoa von drei reh, aba leida ned as kitz
ziemlich greisslich war a der heenabatz
na karniggeldame hods as gnack vadraht
und jetz liegns zafetzt und bluatig auf da strass
oda obegschleidert im strassengrobn
oda sie klebn an da stossstanga dro
und ma muass wieda mühsam obaschobn
Martin Wimmer 