all de jahre an der eckn
nia wos auf de hohe kantn bracht
aba se se oiwei gebn
vui zu oft de kantn gebn
in am randexistenzenlebn
an partnern klebt
am unglück pappt
a lebn voia ellipsen ghabt
und dann kummst an an punkt
da dreht se ois nur no im kreis
nia an schlussstrich zogn
de quadratlatschn nia furtbewegt
grad nia auf de schiafe bahn kumma
nia gwunna, vui zarunna
ghupft wia gsprunga
fast, und dann hätts fast doch no glangt
fast, poetisch zum werdn
fast, gefühlsecht ohne reibungsverluste
fast, ohne pathetisch zum werdn
symmetrisch zu zwoat zur unendlichkeit
fast wars soweit
fast wars soweit
fast
Martin Wimmer 