arbeitslos
selba schuld
s gibt so vui zum doa
dann werd er hoid ned wolln
i kannt jeden dog ins theater geh
i miassat nur friah aufsteh
und kannt de pendler aufm weg in’d arbeit zuaschaugn
de handys voll, leer de augn
arbeitslos
selba schuld
s gibt so vui zum doa
dann werd er scho ned wolln
mit aner brochana rippn
kannt mas vasteh
mit am brochana willn
do miassats doch geh
i kannt jeden dog wellness habn
hoaße luft, koide duschn, und a faust im nackn
i hob sogar an freund ghabt, mitgliket, mitglittn
aba dann habns mi ausm netz nausgschnittn
arbeitslos
selba schuld
s gibt so vui zum doa
dann werd er wohl ned wolln
mit aner brochana rippn
kannt mas vasteh
mit am brochana muat
do miassats doch geh
i kannt jede woch nach hawaii nüba fahrn
jede woch bin i drübn, und mit bier sogar
a single reise alloa in meim zimma, aloa
alloa in meim zimma, alloa sitz i do, aloa
mit aner brochana rippn
kannt mas vasteh
mit am brochana herz
do miassats doch geh
arbeitslos
selba schuld
s gibt so vui zum doa
dann werd er wohl ned wolln
Martin Wimmer 